भूमिका

संक्षिप्त बाइबल भन्ने यस पुस्तकको सम्पूर्ण विषयवस्तुहरू बाइबलबाट लिइएका अंशहरू हुन्; अर्थात्, यस पुस्तकको पाठहरू संक्षिप्त संस्करणमा बाइबल नै हो। बाइबलसँग अपरिचित व्यक्तिहरूको आवश्यकतालाई ध्यानमा राख्दै र ख्रीष्टियन विश्वासका मुख्य बुँदाहरू राम्रोसँग बुझ्न चाहनेहरूलाई बाइबल सन्देशको रूपरेखा पढ्न सजिलो होस् भन्ने ढाँचामा प्रस्तुत गर्न यो संकलित गरिएको हो।

येशू बाइबलको केन्द्रीय विषय हुनुहुन्छ, जसलाई ख्रीष्टियनहरूले प्रतिज्ञा गरिएको मसीह वा ख्रीष्ट; र परमेश्वरको आउँदै गरेको राज्यको रहस्यको रूपमा स्वीकार गर्छन्। यो सन्देशलाई साँचो रूपमा बुझ्नको लागि, येशूले भन्नुभए जस्तै यसलाई, बालकको जस्तो र नम्र हृदयले पढ्नुपर्छ। यदि कसैले परमेश्वरको वचनलाई लुकेको धन खोजेको जस्तैगरि पढ्छ भने, उसले आफ्नो जीवनमा बाइबलका यी वचनहरू निश्चित रूपमा सत्य पाउनेछ: "तपाईलाई कसैले सिकाउने आवश्यकता पर्नेछैन"

यो पुस्तक पढिसकेपछि, हामी तपाईंलाई एउटा बाइबल खोजेर पढ्न आग्रह गर्न चाहन्छौं।

सम्पूर्ण पवित्र धर्मशास्त्र परमेश्‍वरको सास-फुकाइबाट हो, र यो सिकाउन, हप्काउन, सच्याउन र धार्मिकताको तालिम दिनलाई उपयोगी हुन्छ।

2 तिमोथी 3:16

अध्याय 1　आदिमा

बाइबलले हामीलाई यस संसार, कसरी जटिलता र जीवनको अद्भुततामा सुरु भयो, कसरी र किन मानिस सृष्टि गरियो, कसरी मानवजातिले आफ्नो सृष्टिकर्ताको विरुद्ध विद्रोह गरे र उहाँलाई बेवास्ता गरिरहे, कसरी परमेश्वरको मृत्युको भयानक श्राप मानिसहरूले उहाँको विरुद्ध गरेको पापको कारणले पाए भन्ने बारेमा बताउँछ। परमेश्वर विरुद्धको हाम्रो पापको कारणले गर्दा हामी जन्मेको दिनदेखि नै मृत्युको विनाशसँगै बाँचिरहेका छौं। हामीसँग न त कुनै आशा छ, न कुनै वास्तविक, स्थायी आनन्द र शान्ति छ - केवल मृत्यु हाम्रो पर्खाइमा छ। हामी धनी हौं वा गरिब, बलियो वा कमजोर, दास वा स्वतन्त्र, बिरामी वा स्वस्थ, एक दिन मर्नैपर्छ। अनि त्यसपछि, हामी हाम्रो सृष्टिकर्ताको सामु खडा हुनुपर्छ र हामीले उहाँलाई र उहाँका धार्मिक व्यवस्थाहरूलाई किन बेवास्ता गर्यौं भनेर लेखा दिनुपर्छ। मानिसले होइन तर परमेश्वरले, हाम्रो होइन तर परमेश्वरको व्यवस्थाअनुसार उहाँले हाम्रो न्याय गर्नुहुनेछ।

बाइबल बाहेक, हामीलाई यो भयानक श्रापबाट कसरी बच्ने भनेर संसारको इतिहासमा कुनै पनि धर्म वा दर्शनशास्त्र वा मानिसले देखाएको छैन।

अध्याय 2　“म पृथ्वीलाई नष्ट गर्नेछु”

जब मानिसको हिंसा र पाप अति असहनीय भयो, परमेश्वरले यसलाई हेर्न सक्नुभएन र उहाँले सास लिने सबै कुराहरूलाई नष्ट गर्ने निर्णय गर्नुभयो। आज पनि हामी संसारभरि अग्ला पहाडहरूमा र गहिरो खोलाहरूमा, परमेश्वरले पृथ्वीमा पठाउनुभएको त्यो भयानक न्यायमा नष्ट भएका जनावरहरूको जीवाश्म र अवशेषहरू चट्टानहरूमा गाडिएको देख्न सक्छौं।

परमेश्वरले प्रतिज्ञा गर्नुभएको छ, अर्को न्याय आगोद्वारा लिइनेछ। हामी नयाँ नियमको 2 पत्रुस 3:10 मा यी वचनहरू पाउन सक्छौं : “तर प्रभुको दिन चोरझैँ आउनेछ। गर्जनसहित स्वर्ग लुप्‍त हुनेछ, तत्वहरू आगोद्वारा नाश हुनेछन्, पृथ्वी र त्यसमा भएका सबै कुराहरू खरानी पारिनेछन्।”

अध्याय 3　एउटा नयाँ प्रतिज्ञा

जलप्रलयपछि नोआ धेरै वर्षसम्म बाँचे। पृथ्वी फेरि बिस्तारै मानिसहरूले भरिदै गयो, तर बढ्दै जाँदा तिनीहरूले फेरि पाप गर्न लागे र परमेश्वरप्रति विद्रोही भए। परमेश्वरको सट्टामा तिनीहरूले पूजा गर्नको लागि मूर्तिहरू बनाउन थाले, र केही सय वर्षपछि संसार फेरि अन्धकारमा डुब्यो र पापले भरियो।

त्यसपछि परमेश्वरले पापी मानिसहरूलाई फेरि दण्ड दिनुहुनेछ भनि अगमवक्ताहरूद्वारा चेतावनी दिन थाल्नुभयो। पश्चात्तापको सन्देश ल्याउने परमेश्वरका यी अगमवक्ताहरूलाई घृणा गरियो, सताइयो, र धेरै जनाको हत्या पनि गरियो। तर मानिसहरूलाई प्रेम गर्नुहुने परमेश्वरले यी अगमवक्ताहरूलाई एक पुस्तादेखि अर्को पुस्तासम्म संसारमा पठाईरहनुभयो।

अध्याय 4　ख्रीष्ट आउँदैहुनुहुन्छ!

एक दिन आउँदैछ भनि परमेश्वरले अगमवक्ताहरूको मुखबाट हामीलाई प्रतिज्ञा गर्नुभएको छ, जब उहाँले धार्मिकताको राज्य स्थापना गर्नुहुनेछ र उहाँ आफैं शासन गर्नुहुनेछ। उहाँले यो पनि प्रतिज्ञा गर्नुभयो, कि एक दिन उहाँले मानिसहरूलाई दुष्टताबाट शुद्ध पार्नुहुनेछ र पापबाट मुक्ति दिनुहुनेछ।

अगमवक्ताहरूले योभन्दा बढी प्रतिज्ञा गरे। तिनीहरूले प्रकट गरे, कि परमेश्वरले यस संसारमा एक जना मानिस पठाउनुहुनेछ, जो सर्वप्रथम पापबाट मुक्तिदिने मुक्तिदाताको रूपमा आउनुहुनेछ, र त्यसपछि फेरि राजा र न्यायकर्ताको रूपमा आउनुहुनेछ। यस आउनुहुने मुक्तिदाता, राजा, न्यायकर्तालाई उनीहरूले दिएको नाम “मसीह” थियो, र उहाँको बारेमा गरिएका भविष्यवाणीहरू “ख्रीष्ट” येशूको जन्म हुनुभन्दा धेरै अघि दिइएका थिए।

अध्याय 5　मुक्तिदाता, येशू

बाइबलको अचम्मको सन्देश भनेको ब्रह्माण्डको सृष्टिकर्ता हामी जस्तै एक मानिस बन्नुभयो, किनभने उहाँले हामीलाई प्रेम गर्नुभयो र हामीलाई हाम्रो पापको भयानक परिणामहरूबाट बचाउन चाहनुभयो। उहाँ आफैं महिमित राजा, शक्तिशाली सृष्टिकर्ता, पवित्र परमेश्वर भई यस दयनीय दुष्ट संसारमा आउनुभयो र हाम्रा पापहरूको विकल्प बन्नुभयो। उहाँ मानिसजातिको लागि मरेर संसारको पाप उठाउन आउनुभयो। मानिसहरूले हातहरूमा ठोकेको किला, अनुहारमा थुक र रगतसँग, उहाँले मानवजातिको पापको उचित दण्ड आफैंमा लिनुभयो।

अध्याय 6　अद्भुत वचन; शक्तिशाली कार्यहरू

धार्मिकता, नम्रता र शुद्धताको कारणले गर्दा येशूको वचनले मानवजातिको हृदयलाई आजको दिनसम्मै छेडिरहेको छ। येशूले केवल सुन्दर शब्दहरू मात्र बोल्नुभएन। उहाँले आफ्ना चेलाहरूलाई, “मेरा शिक्षाहरू पालना गर” मात्रै भन्नुभएन तर भन्नुभयो, “मेरो पछि लाग!” त्यसरी नै, ख्रीष्टमा विश्वास गर्नेहरूले आफ्नो जीवनमा धार्मिकता, प्रेम र शुद्धताको उदाहरण देखाउनुपर्छ। धन र भौतिक सम्पत्तिको लोभ, प्रशंसाको प्रेम र मानिसहरूबाटको सम्मान, शक्ति र अधिकारले अरू मानिसहरूको जीवन नियन्त्रण गर्ने इच्छा होइन। येशू नै हाम्रो उदाहरण हुनुहुन्छ।