इतिहास, शौर्य आणि राजकारणाचा चित्तवेधक संगम असणारी 'अखेरचा सम्राट' ही संजय सोनवणी लिखित एक अत्यंत थरारक ऐतिहासिक कादंबरी आहे. चालुक्य-सोळंकी राजवंशाची स्थापना, गुर्जर साम्राज्याचा विस्तार आणि अनहिलपाटकच्या राजसभेतील राजकीय कूटनीती यांचे जिवंत चित्रण यामध्ये आढळते. सिद्धराज जयसिंह, त्रिभुवनपाल आणि चक्रवर्ती सम्राट होण्याचे भाकीत लाभलेला तरुण कुमारपाल यांच्यातील संघर्ष, निष्ठा आणि कौटुंबिक नाट्य वाचकांना शेवटपर्यंत खिळवून ठेवते. सोमनाथाच्या वैभवाचा पुनरुद्धार आणि परकीय आक्रमकांना रोखण्याची तीव्र ध्येयसक्ती या कथानकातून प्रभावीपणे व्यक्त होते. इतिहासाची अभूतपूर्व आणि रंजक सफर घडवणारी ही कादंबरी नक्की ऐका सचिन-सुरेश यांच्या आवाजात स्टोरीटेल app वर. येथ ऐका नमुना प्रकरण.

रामायणात वर्णन केलेले अनेक प्रसंग आज कल्पित वाटू शकतात. परंतु; राजेंद्र खेर लिखीत राम ही कादंबरी वाचताना ते प्रसंग कल्पित नसून वाल्मीकींनी वास्तविक इतिहासच लिहिला आहे, याचा साक्षात अनुभव वाचकांना मिळत जाईल. उदा. रामजन्म, ऋषींचं कार्य, इंद्राचं स्वरूप आणि कार्य, अहिल्येचा प्रसंग, राक्षसांची वर्णनं, गृध्र जटायूचं वास्तविक स्वरूप, वानरांची वास्तविकता, पुष्पक विमानाचं स्वरूप, सीतेच्या मुखातून केले गेलेले विमानाचे थेट उल्लेख, रावणाचं साम्राज्य, दक्षिण अमेरिकेपासून भारताच्या पूर्वेकडच्या देशांपर्यंत घडलेलं राजकारण... ऐका स्टोरीटेलवर संचित वर्तक यांच्या आवाजात. येथे ऐका नमुना प्रकरण.

बाईचं संघर्षमय जगणं चित्रित करणं मराठी कादंबरीला नवं नाही... पण बायकांचा समूह मात्र क्वचितच कोणी रंगवला ... बाय गं... या कादंबरीत लहानशा खेड्यातला बायकांचा समूह आपल्याला भेटतो. त्यांचं एकमेकींशी जोडलेपण कळतं, त्यांचे नित्य नवे प्रश्न उमगतात आणि त्यांचं त्या प्रश्नांना भिडणंदेखील.... लहानसं खेडं ते मुंबई.... डोईवरचा पदर ते जीन्स... कुरडया - शेवया ते नूडल्स... निरक्षर आयाबाया ते वकील, डॉक्टर, इंजिनीअर मुली.. एकत्र कुटुंबाचा सांभाळ ते मोठ्या हॉस्पिटलचं व्यवस्थापन... हा लांब पल्ल्याचा प्रवास.... आणि मुख्य म्हणजे हा सारा प्रवास सजगपणे पाहणारी, विचार करणारी नायिका.... अत्यंत ओघवत्या भाषेतली आणि चित्रमय शैलीतली ही विद्या पोळ- जगताप लिखीत कादंबरी आवर्जून ऐकायला हवी, संदीप खरेंच्या भावस्पर्शी आवाजात..... बाय गं... (संपूर्ण कादंबरी ऐका स्टोरीटेल app वर. येथ ऐका नमुना प्रकरण)