-
サマリー
あらすじ・解説
ကျေးဇူးတော်ရှင် မဟာစည်ဆရာတော်ဘုရားကြီးသည် ဘဒ္ဒေကရတ္တသုတ်တရားတော်ကြီးကို ၁၃၄၀-ခုနှစ်၊ ဝါဆိုလဆန်း ၇-ရက် နှင့် ၈-ရက်နေ့ ညများတွင် ပျံလွန်တော်မူပြီးသော ရန်ကုန်မြို့၊ ခြောက်ထပ်ကြီးဘုရားကြီးတိုက် ဒုတိယနာယက အဂ္ဂမဟာပဏ္ဍိတ အရှင်အာစိဏ္ဏ ဈာပနဓမ္မပူဇာပွဲတွင် ၂-ညတိုင်တိုင် ဟောကြားခဲ့ပါသည်။ ပထမနေ့ည တရားပွဲတွင် ပျံလွန်တော်မူပြီးသော ဆရာတော်ကြီး၏ ဂုဏ်ကျေးဇူးများ ပူဇော်ခြင်းတရားနှင့် မရဏနုဿတိတရား ပွားများနိုင်ရန် စတုရာရက္ခတရား ၄-ပါးကို တရားတော်၏ ရှေ့ပိုင်း ၃၀-မိနစ်တွင် ဟောကြားတော်မူပါသည်။ ထို့နောက်မှ မရဏသတိသေခြင်းတရားနှင့်စပ်၍ ဘဒ္ဒေကရတ္တသုတ်တရားတော်ကို ဟောကြားတော်မူပါသည်။ နောက်တစ်နေ့ည တရားပွဲ၌လည်း ဘဒ္ဒေကရတ္တသုတ်တရားတော်ကိုသာ ဆက်လက်ဟောကြားတော်မူခဲ့ပါသည်။ ယခု Episode သည် ၁၃၄၀-ခုနှစ်၊ ဝါဆိုလဆန်း ၇-ရက်နေ့တွင် ဟောကြားတော်မူသည့် ဘဒ္ဒေကရတ္တသုတ်တရားတော်-၁ ဖြစ်ပါသည်။
- မဟာစည်တရားတော်များ ခေတ်အဆက်ဆက်တည်တံ့နေပုံ
မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။