തൻ്റെ ഫാൻ-ഫിക് ഷൻ കഥകളിലൂടെ, വെള്ളിത്തിരയുടെ ചതുരത്തിൽ നാമറിയാതെ മിന്നി മാഞ്ഞു പോയ; എന്നാൽ നമ്മുടെ പ്രജ്ഞയെ ഒരേ പോലെ  തൊട്ടു തലോടുകയും എന്നാൽ വേട്ടയാടുകയും ചെയ്യുന്ന പല കഥാപാത്രങ്ങളുടെയും ജീവിതങ്ങളുടെ അപ്പുറത്തേയ്ക്കും ഇപ്പുറത്തേയ്ക്കും നമ്മെ കൈ പിടിച്ചു നടത്തുകയാണ് കഥാകാരനും യുവ തിരക്കഥാകൃത്തുമായ മൃദുൽ ജോർജ്. പോഡ്കാസ്റ്റിൻ്റെ ഈ അദ്ധ്യായത്തിലൂടെ,  മലയാളത്തിലെ ഫാൻ-ഫിക് ഷനുകളുടെ ഗതിവിഗതികളെക്കുറിച്ച് നമ്മോട് മനസ്സു തുറക്കുകയാണ് അദ്ദേഹം.

സംഗീതത്തിന്റെ ചരിത്രവും ശാസ്ത്രവും സംസ്കാരവും വിളിച്ചോതുന്ന പുസ്തകങ്ങളെക്കുറിച്ച് നമ്മോട് സംവേദിയ്ക്കുകയാണ് എഴുത്തുകാരിയും സംഗീത ഗവേഷകയും ഗായികയും അദ്ധ്യാപികയും ഒക്കെയായ സജ്ന സുധീർ.  മാറുന്ന അധ്യയന രീതികളുടെ  ഈ കാലഘട്ടത്തിൽ ഈ സംവാദം എന്തുകൊണ്ടും ശ്രദ്ധേയമായിരിയ്ക്കും.

ജീവിതങ്ങളിൽ നിന്ന് അക്ഷരങ്ങളും കവിതകളും  അകലുന്നു എന്ന ആരോപണങ്ങൾ ശക്തമായിക്കൊണ്ടിരിയ്ക്കുന്ന ഈ കാലഘട്ടത്തിൽ, പേരിലും മനസ്സിലും കവിതയെ വഹിയ്ക്കുന്ന കലാകാരിയും നടിയും രചയിതാവുമായ  കവിതാ നായർ പോഡ്കാസ്റ്റിലൂടെ എത്തുന്നു.