検索キーワード： ナレーター "Madhavi Pansare" すべてのカテゴリー

या पुस्तकात तामिळनाडू प्रांतात निष्ठेने सेवा कार्य करणार्‍या अपरिचित व्यक्तींच्या 30 गोष्टी सांगितल्या आहेत. समाज आणि पर्यावरणाची काळजी निस्वार्थ वृत्तीने घेणार्‍या व्यक्तींच्या कथा आणि त्या सोबत मांडलेले विचार निश्‍चितच प्रेरणादायी आहेत. 'सेवा धर्म महान' ही उक्ती सार्थ करणार्‍या कथा आपल्याला सेवा करण्यास प्रवृत्त करतात.

तालुका प्रचारक ते अखिल भारतीय धर्मजागरण प्रमुख अशी वाटचाल करणारे, आपल्या प्रांताचे, मुंबई महानगराचे प्रचारक, क्षेत्राचे प्रचारक अशा अनेक स्तरीय जबाबदार्‍या समर्थपणे पार पाडणार्‍या व्यक्तिमत्वाचे चरित्र या पुस्तकात लिहिले गेले आहे. संघशाखा, कार्यकर्त्यांची/स्वयंसेवकांची/जडणघडण, समरसता मंच, भटके विमुक्त विकास परिषद, यमगरवाडी प्रकल्प पूर्वांचल विकास आणि धर्मजागरण या कामांमध्ये त्यांनी जातीने लक्ष घातले. त्यांचे चरित्र सर्वांना मार्गदर्शक ठरेल.

ईश्वरी शक्ती मानणा-या भक्तांमध्ये ईश्वराच्या आस्तित्वाबदद्ल सगुण आणि निर्गुण असे दोन प्रवाह आढळतात. निर्गुण या शब्दातच गुण रहितता सामावली आहे त्यामुळे ज्याला रूप नाही, ज्याला रंग नाही व ज्याला आकार नाही तो निर्गुण परमात्मा असे ईश्वराचे स्वरूप आणि जो ईश्वराच्या रूपाने भक्तांच्या कामासाठी नावारूपाला आला आणि ऐश्वर्य, ज्ञान आणि औदार्य या रूपाने साकार झाला तो सगुण परमात्मा असे मानले जाते. अनेक संतांनी अद्वैत रूप म्हणून निर्गुणाची उपासना केली आहे तर अनेक संतांनी ईश्वराच्या सगुण साकार रूपाला आपलेसे केले आहे.

समता आणि समरसता, महापुरुषांनी, संतमहात्म्यांनी केलेले समतेचे प्रयत्न, संविधानातून लिहिलेली समता या गोष्टी आपल्याला या पुस्तिकेतून समजून घेता येतील. त्याबरोबरच रा. स्व. संघाच्या माध्यमातून सामाजिक सामारासातेसाठी सुरु असलेले प्रयत्न तसेच केवळ समता नाही तर त्यापुढील पायरी समरसता आहे असा आग्रह संघ का व कोणत्या भूमिकेतून करतो हे सांगणारी पुस्तिका.