検索キーワード： 著者 "Frihedsbrevet Føroyar" すべてのカテゴリー

Poddvarpsrøðin snýr seg um málið, tá tvey ung foreldur í 2023 blivu varðhaldsfongslað, tí tey vóru undir illgruna fyri at hava meiðslað teirra tríggja mánaða gamla son. Hóast ungi pápin viðgekk, at hann hevði alla ábyrgdina av tí, sum var hent - og hann seinni bleiv dømdur fyri tað - bleiv tann tá 21 ára gamla mamman, Inga Højgaard, sett í fongsul í tríggjar mánaðir undir illgruna fyri tað, sum pápin longu hevði viðgingið, og hevur hon í dag framvegis mist rættin til sín son.

Hóast Bill Justinussen og Jan Lamhauge koma úr sama geografiska øki, hava teir ikki nógv annað til felags. Ja, Bill Justinussen sigur seg beinleiðis hava stikni til journalistikkin hjá Jan Lamhauge. Í Billbugt fara teir tó at umrøða ymisk aktuell viðurskifti saman við einum gesti, sum teir skiftast um at velja.

Hvat hendi, tá ið Ternan í 2019 varð bundin við kei í Nólsoy? Í “Sjórænararnir í Nólsoy” kanst tú hoyra søguna um eina óvanliga rættarsak, sum verður í desember, har fimm nólsoyingar standa ákærdir fyri eitt mótmælistiltak, sum órógvaði ferðasambandið millum Nólsoy og meginlandið. Sjórænararnir í Nólsoy er tó ikki bara ein frásøgn um eitt rættarmál – tað er ein lýsing av einum samfelag, har eldhugi, samanhald og frustratión kunnu føra til stórar avgerðir. Við einum fjálgum, men skemtiligum tóna, gevur poddvarpið okkum innlit í eina søgu...

Navnframi fyrrverandi kommunulæknin, Freddie Poulsen, misti læknaloyvi fyri nøkrum árum síðani, tá ið fleiri kvinnur meldaðu hann fyri kynslig brotsverk í sambandi við læknakanningar. Síðani hevur hann fleiri ferðir verið í rættinum fyri ymiskt brotsverk, og tað skal hann aftur nú. Hann er nú ákærdur fyri hóttanir móti almennum starvsfólkum. Í hesari røðini fara vit aftur í tíð, vit fara av landinum til eina umstrídda fríkirkju. Vit tosa um satanistar, falskar prestar, koronakoppingarevni, drápshóttanir og mangt annað.