Rishi ne Vikram aur Nikita ko terrace par dekha, toh uska mann ghabra gaya. Yeh sab dekh kar dono ne koi bahana bana diya, aur Vikram ne unhe wahan se jaane ko kaha. Rishi pure raste Nikita se poochta raha ki kya hua, lekin Nikita ne chup rehna hi theek samjha. Nikita usse bina kuch kahe ghar chali gayi. Rishi bhi confused tha, tabhi Hriday ka call aaya. Excitement se bhara Hriday batata hai ki aaj usse Shloka ke jawab ka pata chalega. Rishi use motivate karta hai, lekin jab Shloka aakar Hriday ka proposal mana kar deti hai, toh voh toot jaata hai. Hriday apni feelings Rishi se share kar raha hota hai, tabhi Nikita wahan aati hai aur ek badi sachai batati hai—Vikram uska saga chacha hai. Rishi abhi is baat ko samajh hi raha hota hai ki Vikram ka call aata hai. Beachside milne par Vikram sab sach bata deta hai. Har baat sunne ke baad bhi, Rishi apna faisla le leta hai—Vikram ko Agra le jaana hai. Uski zid aur mohabbat ke aage Vikram ko bhi maan na padta hai.

Rishi aur Nikita, Shloka ke answer par discuss kar rahe hote hain, lekin baat behas tak pahunch jaati hai. Thodi der ki tension ke baad sab clear ho jata hai. Baad mein dono Vikram ke cabin jaate hain, par Vikram ka dhyaan kahin aur hi hota hai. Kuch waqt baad Vikram ek bahane se Rishi ko bahar bhejta hai, taaki Nikita se akela baat kar sake. Lekin usse pehle hi Nikita ek purani tasveer dekh leti hai—jisme Rishi ke father hote hain. Tabhi Rishi wapas aa jata hai. Situation awkward hone se pehle hi Vikram Nikita ko terrace par le jaata hai aur ek aisa sach batata hai jo sab kuch badal sakta hai.

Rishi achanak café se chala jaata hai, leaving Nikita confused aur paranoid. Kya kuch galat ho gaya? Kahi breakup toh nahi? Bechain hokar woh ghar pahuchti hai, jahan dono ek doosre se sorry bolte hain, aur tabhi light chali jaati hai. Rishi iss moment ko special banaane ka sochta hai aur ek cozy candlelight lunch plan karta hai. Hasi-mazaak aur chhupke se flirting ke beech, sab kuch perfect lag raha hota hai.

Tabhi Hriday ghar aata hai aur ek unexpected baat bolta hai—woh ek proposal plan karna chahta hai. Fir ek dreamy beachside setup ready hota hai. Sunset ke khoobsurat nazare ke beech Hriday apne dil ki baat keh deta hai.