مجد رجع ع بيروت… بس مش نفس الشخص اللي تركها.بعد ما كان عايش لحاله، مستقل، بدبي، لقى حاله راجع على أوضته القديمة ببيت أهله. رايح من ورا شغل ضغطه، حب وجعه، وحياة حسّ فيها حاله تايه.بس هل بيروت رح تعطيه فرصة جديدة؟ وشو بيصير لما يقرر يفتح قلبه ويجرّب يواعد بهالمدينة؟ عندكن نصيحة تساعده يقطع هالمرحلة؟مجد شاب بآخر العشرينات. اشتغل بشركة كبيرة، أمازون، وكان مفكّر إنه حقّق شي… بس الضغط، والمسؤولية، والوِحدة، أكلوه شوي شوي. صحته النفسية تدهورت، وبلّش يحسّ إنه حتى أصحابه تقال عالقلب. هرب من دبي، بس بيروت مش دايماً ملجأ سهل.

ببودكاست "زحمة"، منعيش مع مجد التحوّل، التخبّط، والمحاولات الخجولة ليرجّع توازنه. "زحمة" مش بس صوت سيارات أو ناس عم تركض… هي كمان زحمة مشاعر، قرارات، وعلاقات مش مفهومة.

بعد أول date إلو من وقت ما رجع ع بيروت، مجد قاعد عم يحلل كل تفصيلة. شو قال، شو لبس، كيف تصرّف، ليه ضحكت، وليه ما ردّ؟ راسه عم يلفّ… وعيونه على الموعد الجايي. صراحة؟ كلنا منعمل هيك.مجد شاب راجع من دبي، بعد تجربة شغل خانق، وعلاقات خلّته يتعب من الكل… حتى من حاله. بس بيروت عم تفتحله صفحة جديدة-بطيئة، بس يمكن أحنّ.

"زحمة" بودكاست بيغوص جوّا ناس عايشة زحمة مشاعر أكتر من أي شي تاني. مجد… واحد منن.

مجد بلّش يكتشف شي جديد عن حاله…عن جسده، رغباته، وتساؤلاته يلي ما كان يجرؤ يسألها قبل. الرحلة مش سهلة، فيها ذكريات، وفيها لحظات وجع - بس كمان فيها حكي عن الحقيقة.مرق عليك/ ي شي هيك؟ حسّيت/ ي حالك تايه/ ة قدام سؤال كبير؟مجد، الشاب اللي ترك دبي ورجع ع بيروت، بعد تعب نفسي وعلاقات خلّته يختنق… عم يحاول يسمع صوته من بين كل الضجيج.

"زحمة" بودكاست عن الناس يلي جوّاتهم أكتر من اللي بيبين عالسطح. مجد… قصّته وحدة من كتار.