検索キーワード： 著者 "OSHO" すべてのカテゴリー

Manushya ke jivan me svatantrata buniyadi sutra hai. Jitne kam honge niyam, jitani kam vyavastha karne ki cheshtha hogi utni hi vyavastha aati hai.Jitne jyada niyam honge utani arajakata paida hogi. Kyonki vyavastha lane ki sari koshish nishedhatmak hoti hai.

Is pravachan me Osho hamare sthapit mulya par chot karate hai. Ham adarsh ko mahan maante hai lekin Osho ke anusar adarsh thothe hai kyoki ve udhar hai. Adarsh bahar se thope jaate hai, bhitar ki samajh se nahi nikalte. Adarsh ka arth hai ham jaise nahi hai vaise banne ki koshish karana. Yadi jivan ko janna hai to apne antas ko khilne de. Samanya ko mahatva de, vishisht hone ki koshish na kare.

Jagaran ki bela kaunsi? Jis kshan jag aa jaaye vahi. Iska artha hua, kisi bhi kshan jaag sakte hai.Yahi baat Osho samjha rahe hai isme. Bhoot aur bhavishya me uljhe na rahe, vartaman me hosh ko laaye. Suraj bhitar maujood hai.

Samyak darshan ke bina gyan nahi. Gyan ke bina charitrya nahi. Charitrya ke bina moksha nahi. Jo abhi charitra me shudha nahi hua usaka moksha kaha?

Jivan ke satya kahi door akash me nahi chipe hai. Ve yahi likhe pade hai charo taraf. Patte-patte par aur kan-kan par ved likhe hai, bas dekhnevali ankh chahiye. Anubhav ke phul ikaththe karake mat rakhna, unka itra nikalna, tabhi satya milega.

Shubh ko aksar ek naitik karm samajha jata hai lekin Osho kahte hai ki shubh koi krutya nahi hai, acharan nahi, bhav hai. Jo karne se tumhe anand milta hai vah tumhare liye shubh hai. Isaliye apna chand khojo, apna anand khojo.Vahi shubh hai.

Ahankari vyakti pratipal isi hisab me laga rahta hai ki kis tarah se mere ahankar ko jyada sahara milega. Akad kar khada rahu, kisi ke samne na jhuku, chehre ko bilkul patthar ki murti bana lu, isase milega? Ya phir vinamrata se labh milega to vah vinamar hone ko bhi taiyar hai. Is ahankar se bachiye, yah maharog hai.

Mahaavir guru nahi hain. Mahavir kalyanmitr hain. Ve kehte hain, main kuch kehta hoon, use samajh lo; mere sahare lene ki zaroorat nahi hai. Meri sharan aane se tum mukt na ho jaaoge. Meri sharan aane se to naya bandhan nirmit hoga, kyunki do bane rahenge. Bhakt aur bhagwaan bana rahega. Shishya aur guru bana rahega. Nahi, do ko to mitaana hai.

Osho prem ki gahri paribhasha karte hai jo samanya paribhasha se bilakul alag hai. Prem ek gahri shvas hai, atma aur paramatma ke bich ka jod. Prem ki tarange jab bahti hai tab ham astitva se judte hai, usii me apne hone ka pata chalta hai. Isliye prem se gahri dusari koi anubhuti nahi.

Astik aur nastik ki bahut anuthi paribhasha kar rahe hai Osho. Jivan me andhera hai aur prakash bhi hai. Andhere par koi ruk jaye to nastik, andhere ko pahachan kar prakash ki khoj me nikal jaye to astik.

Yadi aap jivan me atma-kranti chahte hai to apani sari bhulo ka, apni samasyao ka uttardayitva lo. Dusro par dosh madhne se kuch hasil na hoga. Manovigyan aur dharm me yahi phark hai. Manovigyan apani manasikta ke liye dusre ko doshi manta hai, aur dharm svayam ko. Pashchim ahamkar ko majbut karta hai aur purab ahankar ko mitata hai. Yadi tum jimmedar ho to hi vikas ki sambhavna banti hai.

Shreshth vahi hai jo jhuk sakta hai. Is pravachan me Osho ek bahut gahri baat kah rahe hain jo mahtvakanksha ki daud ke viprit hai. Sagar itana virat hai kyoki vah sabse niche hai isaliye har jharna usi me akar girta hai. Purab ne bahut bahut tarah se jhukne ka aur sab kuch pane ka raaj jaan liya hai. Jinhe hinta ki granthi hai ve hi daudte hai.

Charitra ki badi sundar mimansa hai is pravachan me. Aam taur par ham charitra use kahte hai jo bahar se aropit hai. Aisa charitra kitna hi majabut dikhai pade, kisi bhi kshan toot sakta hai. Asli charitra bhitar nirmit hota hai aur bahar phailta hai; jiski jaden svabhav me chipi hai.

Buddha ke ye sutra hame jagne ke liye prerit karte hai. Ve kahte hai jo bhi soye-soye ji raha hai vah maut me ja raha hai aur jo jagkar ji raha hai vah amrit path par chalne laga. Bhitar jagte hi uska pata chalta hai jo mit hi nahi sakta.

Apramad yani hoshpurvak jina. Ham sabhi maut se dare-dare jite hai lekin vah koi jina nahi hai. Hosh paida kare to jivan anant roop se khilta jayega.Is pravachan me isika margadarshan kiya gaya hai.

Maine Ram Ratan Dhan Payo: Aao prem ki ek jheel mein nauka-vihaar karein. Aur aisi jheel manushya ke itihaas mein doosri nahi hai, aisi jheel Meera hai. Mansarovar bhi utna swacha nahin. Aur hanson ki hi gati ho sakegi Meera ki is jheel mein. Hans bano, to hi utar sakoge is jheel mein. Hans na bane to na utar paooge. Meera ki is jheel mein tumhein nimantran deta hoon. Meera naav ban sakti hai. Meera ke shabd tumhe doobne se bachaa sakte hain. Unke sahare par us paar ja sakte ho.

Ye Buddha ke sutra hain jinmen Buddha aath angovala marga batate hain: samyak drishti, samyak sankalp, samyak vani, samyak karmant, samyak ajiv, samyak vyayam, samyak smriti, samyak samadhi. Osho ne. bahut gaharai se in aath ango ko samjhaya hai jo sadhak ke liye atyant upayogi hai.

Is pravachan me osho naye manushya ki ghoshna karte hai. Naya manushya vigyan, dharm aur kala ka jod hoga. Naye manushya ka din aa raha hai. Nai subah ho rahi hai. Yah naya manushya hamare bhitar hi janmega.

Prem ke pahaluo ko ujagar karnevala adbhut pravachan. Osho kahte hai ki prem me jab tak vyakti apna ahankar khota nahi hai tab tak prem nahi ho sakta. Prem hriday me ghatata hai aur hriday ke liye jhukna bahut asan hai. Prem mitne ki kala sikhata hai aur jine ki bhi.

Prem ke vibhinna pahaluo ko samajhne ke liye yah anupam pravachan hai. Osho kahte hain ki prem badi adbhut ghatna hai.Yah sadharan nahi hai, alaukik hai. Is prithvi par svarg ki jo choti si kiran utarti hai uska nam prem hai.