-Ein unike merkevarebyggjar for Beitostølen og Valdres!

Dagens podkastgjest er ein mann som i fleire tiår har gjort ein uvurderleg innsats for både unge og eldre skal få oppleve skiglede, meistring og fellesskap. Som eldsjel, samfunnsbyggjar og tidlegare stadionsjef på Beitostølen Skistadion har han teke ansvaret for lokalmiljøet på djupaste alvor – og det gjer han framleis, med ein glød som har gjort Valdres og bygda til ein endå betre stad å bu, besøkje og kome tilbake til.

Artikkel og podkast er laga med støtte frå: Vaset Skiheiser, Trio Elektro,

Og ikkje minst: Beitostølen er staden der langrennsløparar i snart ti år har hatt den mest snøsikre sesongstarten – og der skisesongen verkeleg tek til!

Det er ikkje kvar dag ein oslogut Bøler blir ein av dei viktigaste personane i utviklinga av ei fjellbygd i Valdres. Men Erik Østli, kjend som “Leppa frå Bøler”, har vore heilt avgjerande for både identiteten, økonomien og den sportslege posisjonen til Beitostølen.

Som tidlegare stadionsjef på Beitostølen Skistadion har Østli vore den viktigaste merkevarebyggjaren for både Valdres og Beitostølen. Gjennom målretta arbeid, profesjonalitet og ei heilt særskilt evne til å skape tillit i idrettsmiljø nasjonalt og internasjonalt, har han utvikla sesongopninga for langrenn til eit arrangement i verdsklasse. Det har ikkje berre sett Beitostølen tydeleg på kartet – men også skaffa titusenvis av gjestedøgn både på Beitostølen og dalføret.

Langs Vegen No. -Ein podkast frå nettavisa www.langsveien.no og Roy Myrland.

I denne episoden av Langs Vegen No møter du Hans-Jørgen Johnsen – gründaren, brubyggjaren og den uvanleg populære leiaren som toppolitikarar, næringslivsfolk og samfunnsaktørar står i kø for å snakke med. Det er på kontoret til Kopano A/S, oppe i lia bak Farris Bad i Larvik, at podkasten er produsert og spelt inn av redaktør Roy Myrland i nettavisa www.langsvegen.no.

Her får du bli med heilt inn i det «indre livet» i Kopano, ei av landets mest spennande arbeids- og inkluderingsbedrifter, og høyre korleis ein organisasjon med røter i Larvik har blitt ein nasjonal kraft i arbeidet med å hjelpe folk inn i jobb. Hans-Jørgen fortel ope om metodane, verdiane og kvardagsarbeidet som ligg bak – og om kvifor dette arbeidet er ei av dei største utfordringane Noreg står overfor dei neste tiåra: å få fleire av dei som står utanfor arbeidsmarknaden, inn i aktivt arbeid og deltaking.

Du får òg innsikt i hans personlege reise: kvifor han vel å tre til side no som Kopano har vakse seg stort, kva som krevst for å leie ei organisasjon som skal inkludere heile landet, og korleis han sjølv har jobba med sine sterke – og litt for sterke – sider som detaljstyrar og engasjert leiar.

Og heilt til slutt i episoden deler Hans-Jørgen sine ærlige tankar om kva slags type menneske som bør ta over når han no slepp roret vidare – og kva eigenskapar som trengst for å lykkast i ein jobb som handlar om å løfte andre.

Ei varm, lærerik og overraskande open samtale om arbeid, verdigheit, samfunnsansvar – og om å vite når tida er inne for å gi stafettpinnen vidare.

Langs Vegen No. -Ein podkast frå nettavisa www.langsveien.no og Roy Myrland.

Nokre menneske får alt til å falle litt meir på plass når dei kjem inn i rommet. Jacob Håvelsrud Svarre er ein slik person. Med humør, varme og ei ro som gjer godt, har han blitt ein av Valdres sine mest folkekjære og tillitsvekkjande skikkelsar.

I dag er han dagleg leiar og gravferdskonsulent ved Kampenes Begravelsesbyrå på Fagernes, og det er nettopp i dei lune lokala der denne podkasten er spelt inn.

Gjennom samtalen får vi ta del i Jacobs store samfunnsengasjement. Han er eit ja-menneske av sjeldan sort – ein som stiller opp, ser folk, tek ansvar og bidreg i lokalsamfunnet på ein måte som verkeleg sett spor.

I podkasten går vi òg åpenhjertig inn i noko mange undrast på, men få vågar å spørje om:

Kva skjer egentleg når eit menneske døyr?

Korleis ser prosessane ut – både dei praktiske, dei menneskelege og dei djupt respektfulle?

Her gir Jacob ei grundig, varm og forståelig forklaring på kva som faktisk kan skje etter eit dødsfall, og han opnar døra til eit fagfelt dei fleste berre ser utanfrå. Gjennom si jordnære og tydelege formidling får vi eit unikt innblikk i arbeidet bak ein gravferd – og kor mykje omtanke, presisjon, medkjensle og humor som ligg i denne viktige jobben.

Samtidig får vi vere med på Jacobs mangfaldige livsreise: frå Danmarks flate landskap til Finnmarksvidda, via hundekøyring, utmarksforvaltning, lærargjerning, frivillig arbeid og ein krevjande kreftkamp – og til slutt då han «kom heim» Volbu i Valdres.

Jacob Håvelsrud Svarre, Valdres, podkast, gravferdskonsulent, begravelsesbyrå, Kampenes, Fagernes, samfunnsengasjement, ja-menneske, frivillighet, døden, hva skjer når vi dør, dødsfallsprosess, gravferdsprosess, medmenneskelighet, varme, humor, livsreise, Danmark​, Finnmark​,​kreftkamp,

#

Langs Vegen No. -Ein podkast frå nettavisa www.langsveien.no og Roy Myrland.

I denne podkastepisoden får du møte Ole Kristian Ødegård frå Heidal – ein mann med ei heilt spesiell lidenskap for fjell, fridom og historie. I over femten år har han studert og dokumentert livet til jegerlegenda Jo Tjøstolvson Kleppe (1794–1884), bedre kjent som Jo Gjende.

Gjennom forteljingar, restaurering av gamle bygg og ved å gjenskape både utstyr og den raude Jo Gjende-lua, har Ole Kristian løfta fram arven etter fjelljegeren som levde livet sitt i Jotunheimen.

Han har òg utvikla og produsert handlaga treski, inspirert av samisk skikultur, og skia hans har vore med i både filmar og på Norge Rundt – der han har delt kunnskapen sin om tradisjon og handverk.

Samtalen er tatt opp i skimakarverkstaden hans i den vesle laftastova, hogt over Heidalen på Søre Krukhaugen, og med utsikt mot fjella som Jo Gjende hadde, og Ole Kristian framleis har, så kjær.

Intervjuet er gjort av redaktør Roy Myrland i nettavisa Langsvegen.no
. &

Langs Vegen No. -Ein podkast frå nettavisa www.langsveien.no og Roy Myrland.

Torodd Lybeck er ein kjend skikkelse i Valdres – fødd og oppvaksen i Etnedal, og busett store delar av livet i Nord-Aurdal. Som lærar, frilansjournalist og kulturarbeidar har han følgt folk, natur og tradisjonar i dalføret tett gjennom heile livet. Han har skrive fleire bøker om Valdres, mellom anna «222 fossar i Valdres» og «Brøtningsdammane – kulturhistoriske monument i Drammensvassdraget», begge gjevne ut på Kvitvella Forlag – eit forlag eigd av Valdres Mållag.

Friluftsliv har alltid vore ein viktig del av livet hans – både på sykkel, ski og til fots. Torodd har sprunge maraton, gått milevis i fjellet og let gjerne naturopplevingane inspirere arbeidet sitt som forfattar og formidlar. Han har òg i fleire år vore leiar for Vennelaget ved Valdres Folkemuseum, der engasjementet hans for lokal kultur og historie har kome tydeleg til uttrykk.

Torodd er dessutan oppteken av målsaka og språkets plass i kulturen. Han meiner det er viktig å ta vare på dialektane, og synest det er trist at mange av dei er i ferd med å forsvinne.

I denne podkastepisoden møter han redaktør Roy Myrland i studioet til Gjensidige Valdres på Fagernes. Samtalen handlar om livet i Valdres, om natur og menneske, og om kvifor engasjementet for språk, kultur og tradisjon framleis driv han vidare.

Langs Vegen No. -Ein podkast frå nettavisa www.langsveien.no og Roy Myrland.

I denne episoden av podkasten Langs Vegen No får du høyre historia om korleis Rakfiskfestivalen på Fagernes blei til– fortald av han som var grunlegger og sto midt i det: Geir Frøsaker. I 1993 var han tilsett i Fagernes Handelsstandsforening, med oppdrag om å skape meir liv, trivsel og handel i bygdebyen. Ideen om å samle folk rundt noko så valdris som rakfisk voks raskt til eit arrangement som sette Fagernes på kartet.

Gjennom praten i studioet til Gjensidige Valdres får vi høyre både artige glimt frå festivalens spede start og gode historier frå tida då alt måtte gjerast på dugnad og med lånte bord og teltdukar. Mellom dei mange gode historiene dukkar òg det legendariske sitatet frå trubadur og "lattermaker" Inge Aarhaug opp:
– «Denne maten luktar akkurat det same når ein et han, som når han kjem ut at.»

Eit viktig vendepunkt kom då ukebladet Vi Menn skreiv ein stor reportasje om den vesle festivalen i Valdres. Plutseleg kom folk frå heile landet – og Rakfiskfestivalen «tok av» og vart landskjend.

Frøsaker peikar òg på at Norbert Kuhn sitt engasjement og økonomiske garantier var heilt avgjerande for utviklinga vidare. Med sin pågangsvilje og sans for kvalitet var han og med på å løfte festivalen frå bygdedugnad til ei profesjonell og populær folkefest.

Som Kjell Ivar Fossnes i "Seniorgjengen på Blåbærmyra" sier: Alt som blir suksess her i Valdres, startar med dugnad og frivilligheit. Rakfiskfestivalen er kanskje det beste dømet på akkurat det – eit folkeeventyr skapt av entusiasme, samarbeid og ekte bygdesjel.

Programleiar og historiesamlar Roy Myrland, redaktør i nettavisa Langsvegen.no, leiar samtalen med smittande engasjement og lun valdrishumor. Resultatet er ei varm, humoristisk og ærleg forteljing om bygdeliv, skaparglede og rakfisk-romantikk – alt samla i podkasten Langs Vegen No.

Langs Vegen No. -Ein podkast frå nettavisa www.langsveien.no og Roy Myrland.

Nils Rogn frå Vang har teke over som redaktør for Årbok for Valdres – boka som i over hundre år har teke vare på historia og folket i dalføret. Med glimt i auget, samfunnsengasjement og ekte valdres-glød pratar Nils med Roy Myrland om fortid og framtid, både for folk og samfunn i dalføret han kjenner og er så glad i. Denne Langs Vegen No podkasten er laga med annonsestøtte fra @Bygningstekniker Frode Bertelrud A/S, Møbelringen Fagernes, Automasjon Prosess og Rørlegger Brager, i podkaststudioet i Gjensidigegården på Fagernes.

#Valdres #Vang #ÅrbokForValdres #LangsveienNo #NilsRogn #Bygdehistorie #Kulturarv #Lokalhistorie #Podkast #Vangsgjelding #Gjensidige

Langs Vegen No. -Ein podkast frå nettavisa www.langsveien.no og Roy Myrland.

På verkstaden til Beitostølen Maskin og Transport A/S er det både liv og latter når Øystein Rudi frå Skammestein i Øystre Slidre tek imot Langsvegen.no og Roy Myrland til ein triveleg prat i podkasten «Langs Vegen No».

Øystein er ein kar som har hatt hendene fulle heile livet – med både landbruk, maskinar og transport av folk og masse. Humøret og positiviteten hans er det få som kan måle seg med, og i ordforrådet hans finst korkje problem eller utfordring – berre løysingar.

På verkstaden er han i sitt rette element, omringa av oljelukt, verktøy og gode kollegaer. Der trivst han best, med latteren på lur og arbeidslysta i høgste gir.
I tillegg har Øystein eit varmt og personleg forhold til fjellfolket mellom Sjodalen og Beitostølen, folk han kjenner og set stor pris på. Fylkesveg 51 kjenner han meter for meter, og historier frå fjellvegen kjem som perler på ei snor når praten rullar.

Høyr intervjuet med den blide og drivande karen i podkasten «Langs Vegen No» – ei episode full av ekte arbeidsglede, lune historier og godt fjellfolk-prat frå hjartet av Valdres.

Langs Vegen No. -Ein podkast frå nettavisa www.langsveien.no og Roy Myrland.