『Klipkouers』のカバーアート

Klipkouers

Klipkouers

著者： MaxMedia
無料で聴く

【Amazonプライム会員限定】今ならプレミアムプランが4か月 月額99円。

10月19日まで。※適用条件あり
Klipkouers is ’n Afrikaanse video besigheidspodcast waar Jacques Basson gesels met entrepreneurs en impakmakers om praktiese besigheids- en lewenslesse te ontgin. Eerlike gesprekke, toepasbare insigte en strategieë vir mense wat groter wil dink en beter wil doen.MaxMedia マーケティング マーケティング・セールス 経済学
エピソード
  • Kolonel Roy Marais | Die Onsigbare Ruggraat van die Spesmagte

    Kolonel Roy Marais | Die Onsigbare Ruggraat van die Spesmagte
    2026/07/15
    Wanneer die geskiedenis van die Suid-Afrikaanse Spesmagte vertel word, val die kollig gewoonlik op die operateurs wat diep agter vyandelike linies gewerk het. Maar agter elke suksesvolle operasie was daar ’n ondersteuningspan wat moes verseker dat elke voertuig, wapen, stuk toerusting en noodsaaklike voorraad betyds en in werkende toestand beskikbaar was.

    In hierdie episode van Klipkouers gesels ons met Kolonel Roy Marais, ’n Spesmagte-veteraan wat in logistieke, tegniese en kwartiermeestersrolle gedien het. Sy taak was nie om die aanval uit te voer nie, maar om seker te maak dat die operateurs alles gehad het wat nodig was om hul missie te voltooi, en weer veilig terug te keer.

    Roy vertel hoe die Suid-Afrikaanse Spesmagte aanvanklik sterk op Britse militêre leerstellings en toerusting gesteun het, maar dié benadering vinnig moes aanpas by die unieke eise van die Bosoorlog. Dit was ’n konflik waarin die vyand dikwels onsigbaar was, nagoperasies algemeen geraak het en vinnige aanpassing die verskil tussen sukses en mislukking kon beteken.

    Die gesprek neem ons ook agter die skerms van Operasie Daisy in 1981, waar noodsaaklike voorraad met C-130-vliegtuie aan magte in die veld gelewer is. Roy verduidelik hoe die lugvoorsieningsoperasies beplan en uitgevoer is, watter risiko’s met die aflaai van voorraadpallette gepaard gegaan het en waarom presisie absoluut noodsaaklik was.

    Hy deel ook herinneringe aan legendariese Suid-Afrikaanse Lugmag-vlieëniers, waaronder Tinky Jones, wie se koelkop professionaliteit en buitengewone vaardigheid groot vertroue by die troepe op die grond ingeboesem het.

    Maar hierdie gesprek handel oor meer as militêre geskiedenis.

    Ná sy diens het Roy ses jaar as nasionale president van SASFA Footprint gedien en is hy later as nasionale visevoorsitter verkies. Vandag beywer hy hom steeds vir Suid-Afrikaanse Spesmagte-veterane en hul families. Hy praat openlik oor die uitdagings waarmee baie veterane leef, die beperkte ondersteuning wat beskikbaar is en waarom kameraadskap dekades ná diens steeds van onskatbare waarde bly.

    Ons bespreek ook SASFA Footprint se fondsinsamelingsprojek, waar deelnemers die kans staan om ’n Toyota Land Cruiser 79-dubbelkajuit en ’n Conqueror Platinum-kampwa te wen. Die projek is egter veel meer as ’n kompetisie: die opbrengs help om veterane, hul families en verskeie kinderprojekte te ondersteun.

    Vir Roy gaan dit uiteindelik oor nalatenskap — nie net medaljes, operasies en herinneringe nie, maar die mense wat jy ná jou diens steeds kan help.

    Hierdie is ’n gesprek oor diens, spanwerk, leierskap, opoffering en die mense agter die skerms wat selde die erkenning ontvang wat hulle verdien.

    In hierdie episode:

    • Die onmisbare rol van logistieke en tegniese ondersteuning in die Spesmagte
    • Hoe Britse militêre leerstellings vir die Suider-Afrikaanse operasionele omgewing aangepas is
    • Operasie Daisy en lugvoorsiening met C-130-vliegtuie
    • Herinneringe aan Tinky Jones en ander legendariese Lugmag-vlieëniers
    • Die uitdagings waarmee Spesmagte-veterane vandag saamleef
    • SASFA Footprint se ondersteuning van veterane, families en kinders
    • Waarom ware nalatenskap oor veel meer as medaljes en herinneringe gaan

    Aanhouer wen.
    続きを読む 一部表示
    42 分
  • Portchie in Londen: Die Onderhoud wat nou ’n Huldeblyk Geword Het

    Portchie in Londen: Die Onderhoud wat nou ’n Huldeblyk Geword Het
    2026/06/29
    Hierdie episode is oorspronklik in 2017 in Londen opgeneem, in persoon, terwyl Portchie gereed gemaak het vir sy eerste Britse uitstalling. Ek bring dit nou weer terug as ’n huldeblyk aan Jan Hendrik Viljoen; die Vrystaatse seun wat Portchie geword het, ná sy afsterwe op 12 Junie.

    Vir my dra hierdie onderhoud ook ’n persoonlike gewig. My pa is ook op 12 Junie (2007) oorlede. Daarom voel hierdie gesprek vandag anders: nie net soos ’n ou episode wat weer gedeel word nie, maar soos ’n stukkie tyd wat mens gelukkig was om vas te vang.

    Portchie was een van Suid-Afrika se mees herkenbare kunstenaars. Sy werk was kleurvol, speels en onmiddellik herkenbaar — vol fietse, blomme, dorpe, mense en lig. Maar agter die helder kleure was daar ’n dieper storie: ’n seun uit die Vrystaat wat sy eie taal in kuns gevind het, dit met ongelooflike entrepreneurskap gebou het, en uiteindelik ’n internasionale gehoor bereik het.

    Wat hierdie gesprek besonders maak, is die tyd en plek daarvan. Dit is nie ’n terugblik ná die roem nie. Dit is ’n gesprek in Londen, terwyl ’n Suid-Afrikaanse kunstenaar homself op ’n groter verhoog voorberei. Daar is opgewondenheid, nederigheid en daardie kenmerkende Portchie-warmte; die gevoel dat kleur nie net iets op ’n doek is nie, maar ’n manier van kyk na die lewe.

    In Episode 66 van Klipkouers praat Portchie oor sy pad van Vrystaatse seun tot internasionaal erkende kunstenaar, sy liefde vir mense, sy besigheidsinstink, sy geloof in eenvoud, en die manier waarop kuns gewone oomblikke kan verander in iets wat bly.

    Hierdie episode is vandag ’n herinnering: sommige gesprekke word eers later nóg kosbaarder.
    続きを読む 一部表示
    57 分
  • Een Van Die Eerste Recces | Genl Maj Dan Lamprecht en die Dirty Dozen

    Een Van Die Eerste Recces | Genl Maj Dan Lamprecht en die Dirty Dozen
    2026/06/23
    Genl Maj Dan Lamprecht (afg) is een van slegs vier oorlewende stigterslede van die Suid-Afrikaanse Spesiale Magte — beter bekend as die Recces.

    As een van die oorspronklike manne uit die pioniersjare van die Recces, was hy deel van die geslag wat die grondslag gelê het vir wat later een van Suid-Afrika se mees gerespekteerde militêre eenhede sou word.

    In hierdie Klipkouers Bosoorlog Stories-onderhoud gesels Jacques Basson met Genl Maj Lamprecht oor sy rol as een van die eerste Recces, die ontstaan van die eenheid, en die storie van die sogenaamde Dirty Dozen — die klein groepie manne wat aan die begin van hierdie geskiedenis gestaan het.

    Hierdie episode is deel van Klipkouers se poging om Suid-Afrikaanse militêre geskiedenis, Bosoorlog-stories en die nalatenskap van veterane te dokumenteer.

    Luister die onderhoud en teken in vir meer gesprekke met Suid-Afrikaanse veterane, Recces, Spesiale Magte-lede en rolspelers uit die Bosoorlog-era.
    続きを読む 一部表示
    49 分
adbl_web_anon_alc_button_suppression_t1
まだレビューはありません