Kahaniyon Ki Potli (A Sac Of Stories) is such a show which imbibes all the qualities mentioned above. In a time when negativity is in the air, Sumanto Ray brings stories which will bring positivity, inspire the listeners and leave something to learn from each story he narrates. Stories, which has values. Stories, which are easy to listen. Stories, which are relatable. Stories which are not fairy tales but inspired from true incidents. Kahaniyon Ki Potli Season 1 is coming with ten original stories narrated by Sumanto Ray.

Insaniyat ka pehela usool hai, ek dusre ki madad karna. Sabhi grantho mein likha hai kidusron ki madad karna hi manushyata ki pehchan hai. Aaj aap kisi ki bure waqt mein madad karenge to bhavishya mein aapki madad karne bhi koi na koi zaroor hoga.

Jis tarah aaina sach bolta hai, usi tarah zindagi ka chashma sab kuchh saaf saaf dikha deta hai. Bas aapko ye baat samajh mein aani chahiye. ZIndagi ka chashma sach aur jhoot mein fark dikha sakta hai…aapko haqiqat se rubaru kara sakta hai

Kehete hain ki kaun jaane kis ghadi eishwar aapko kis roop mein kahan mil jayein, ye aapko nahi pata. Upar wala apni baat bade hi vivhitra dhang se humare samne rakhta hai. Samajh aa jaye to darshan bhi aur darshnik bhi. Kya hoga agar kabhi aapko mile bhagwan ka visiting card?

Jab bhi aap koi kaam shiddat se karte hain, to usmein eishwar ka vaas ho jata hai. Isiliye to kehete hain na ki karm hi pooja hai. Agar aap ki nishtha apne kaam ke prati dridh hai, to ismein koi sandeh nahi ki wo aapko chamatkar bhi dikha sakta hai.

Kabhi kabhi jo humare sabse kareeb hote hain, hum uski importance bhool jate hain. We start taking them for granted. Lekin jab waqt aapko akela kar de, tab aapko us insaan ki qadr phir se samajh aati hai.

Kabhi itna akela mehsoos kiya hai ki aapko lage ki aap beed mein bhi bilkul tanha ho? Phir aapko sab dikhne band ho gaye hon aur aap khud ko registan mein akela sa pao. Aap pyaase ho aur kahi paani na ho. Tab kabhi kabhi suraj ki roshni se chamakti ret bhi paani ka sa aabhaas deti hai. Aur use pane hi aap kuchh kadam aur badhte ho apni manzil ki oar

Guru bin gyan kahan! Ek aadarsh guru shishya ke rishte ka mool aadhar hai vishwas…paraspar vishwas. Guru ka shishya par aur shishya ka apne Guru per. Agar bharosa nahi to ye rishta bhi kabhi kamyaab nahi hota.