Tempo para a entrevista. Xosé Manuel García fala co investigador galego Marcos Díaz Gay, que é o xefe do grupo de Xenómica Dixital no Centro Nacional de Investigacións Oncolóxicas

No tempo da entrevista o convidado é hoxe o escritor Suso de Toro. Vén de publicar unha nova novela. Conversa con el Víctor Alvariño

O apagamento do luns segue no centro do debate político... O líder do PP, Alberto Núñez Feijoo pedía hoxe na Estrada unha auditoría independente internacional pra coñecer o porqué do corte de luz que deixou España a escuras. O presidente da Xunta, pola súa parte, aféalle ao goberno que non declarase de oficio o nivel 3 da emerxencia.

Tamén segue a dar que falar a celulosa de Altri. A Plataforma Ulloa Viva alerta de que houbo un cambio nos valores contaminantes da planta antes de que Augas de Galicia realizase a súa avaliación favorable, algo que a consellería de Medio Ambiente vén de negar

A Fiscalía pide 14 anos de cárcere pra o único acusado de matar a coiteladas ao Yoel Quispe na Coruña, na Noiteboa de 2023.

Este venres deuse a coñecer o escrito de acusación da Fiscalía.

O ministerio público ve responsable din delito de homicidio ao principal investigado, que están en prisión provisional desde poucos días despois dos feitos. Segundo o fiscal todo aconteceu ás seis da madrugada da noiteboa de 2023, cando o proceso, no medio dunha liorta, acoitelou mortalemente á vítima, Yoel Quispe, de 22 anos. Foi na confluencia das rúas Juan Florez e Sinfónica de Galicia.

A familia do mozo asasinado mantiña a petición de aumentar o número de investigados de tres a cinco. Ademáis do acusado, había outros dous homes en liberdade con medidas cautelares

O líder do PP nacional e expresidente da Xunta visita arestora o centro de emerxencias do 112 da Estrada. Unha visita que Alberto Núñez Feijóo aproveita para pedir explicacións ó Goberno central: non entende que aínda non puxera sobre a mesa as causas do apagamento.

No Partido Socialista acusan a Feijóo de aproveitar calquera feito para culpar e presionar a Pedro Sánchez. E neste caso non lles parece razoable despois de que o propio Alfonso Rueda loara a coordinación do executivo central

- O BNG reitera que hai indicios de prevaricación ambiental na autorización de Altri.

Así se desprende da documentación parcial e incompleta que, segundo o deputado Luis Bará, lles entregou a Xunta.

- A Plataforma Ulloa Viva denuncia un cambiazo sen xustificar nos valores contaminantes da futura planta.

Esa documentación foi -din- a que empregou Augas de Galicia pra emitir o seu informe favorable.

- A CIG esixe ó goberno galego que blinde ó persoal das autovías rescatadas.

Os traballadores viven na incerteza laboral porque a Xunta non garantiu o mantemento de tódolos empregos.

- Para minimiza-las agresións ó persoal sanitario a Xunta pretende incluir tamén as que se producen fóra dos centros de traballo.

O conselleiro de Sanidade presentoulle hoxe a proposta de reforma ós colectivos profesionais.

- O tempo. Hoxe hai aviso amarelo por tormentas en prácticamente toda a comunidade