Mi paret chi b’at tzertos logos in su mundu chi nemos los lùmenat, chi non connoschimus ca nemos nos los mentovat néin televisione, né in libros e mancu in facebook no est cada die chi nos essint. Antzis iscommito chi si bos naro de mi los ammustrare in una cartina no ischides mancu bene inue sunt, ca si bos naro a pessare a s’Àsia comente continente a conca ite bos benit? Sa Russia, sa Cina, in giosso s’India, carcunu nch’agatat s’Iran e carcunu mancari fintzas sa Mongòlia, ma nch’at in mesu e totu custu unu bete tretu mannu, miliones de km2, no acabbat, a subra de s’India e de su Pakistan, e suta de sa Rùssia, paret a beru chi non b’apat nudda e imbetzes s’Àsia de mesu o Àsia tzentrale chi siat, serente a civiltades che a sa russa, sa cinesa, sa persiana e s’indiana, e est su coladòrgiu de civiltades mannas antigas de inie etotu. In custa puntada chistiono de custos paisos Tagikistan, Kazakistan, Turkmenistan, Uzbekistan, Kirghizistan… totu paisos chi non connoschimus, e chi a mimi nessi mi vestint curiosidade, gana de los connòschere mègius, de ischire comente sunt e ite limbas chistionant, e ite màndigant ca nemos los lùmenat esunt mancu ca bi sunt.

Libru #1: Sovietistan de Erika Fatland https://www.ibs.it/sovietistan-viaggio-in-asia-centrale-libro-erika-fatland/e/9788829702824?queryId=b26b9cfd9d5261ea072f92e580cf5d29

Libru #2: In Asia de Tiziano Terzani https://www.tealibri.it/libri/tiziano-terzani-in-asia-9788850266173

email: alessandro.columbu@gmail.com

Sos primos trinta o baranta annos de su noighentos fiant triulados meda pro s’istòria de sa Sardigna, su boccidroxu de Buggerru, su badalogu pro sos prètzios de su pane in Casteddu, sa prima gherra mondiale, e sa cundenna a bint’annos de regime fascista e criminale a pustis de su 1924. Ma est in custos annos etotu chi essint a campu personalidades chi a pustis sunt diventadas connotas in totu su mundu che a Gramsci, chi amus tratadu in sa prima puntada, e Gràtzia Deledda. Àteros de custossunt connotos mancari feti in Sardigna, pro nàrrere Emilio Lussu, o Antiocru Casula Montanaru e àteros chi como mi che so iscaressende. Àteras personalidades puru pero diant meressere de èssere connotas prus e menzus e de èssere istudiadas ca imparande cosas subra sa vida issoro imparamus s’istòria de sa Sardigna, pro nàrrere Marianna Bussalai, iscritora, ativista e intelletuale de Orane. In custa puntada mi fatzo un’arresonada cun Giovanna Cottu, ollolaesa, insegnante de inglesu, e autore cun Frantziscu Casula de una biografia de Marianna Bussalai inintro de sa collana Omines e feminas degabbale, pubblicada in su 2007 dae Alfa Editrice, pro connòschere sa vida e sas ideas de Marianna Bussalai in cherta de cumprèndere pro ite est importante a l’istudiare.

Libru: Marianna Bussalai https://www.alfaeditrice.it/shop/identita/marianna-bussalai/

https://salimbasarda.net/marianna-bussalai-intelletuale-sardista-de-orane/

https://sc.wikipedia.org/wiki/Marianna_Bussalai

Email: alessandro.columbu@gmail.com

S’ativista e intelletuale americana Angela Davis in su libru suo “Aboliamo le prigioni”, isterret una chistione chi a parre meu est rivolutzionària. Provamus a pessare, narat, de nche serrare sas presones, chi no esistat prus unu cras nen presones e nen presoneris. Primu de totus in su libru contat comente mai in su mundu de oe che semus abituados a dare pro iscontadu chi esistint sas presones, chie est zustu chi bi siant e chi est s’ùnicu modu possibile pro fàghere iscaddare a mortores, furones, ispacciadores e delinquentes in generale. In custa puntada apo proadu a contare unu pagu s'istòria de comente sunt cambiadas sas presones e su cuntzetu de iscaddu e castigu.

Libru #1 : Aboliamo le prigioni de Angela Davis https://www.ibs.it/aboliamo-prigioni-contro-carcere-discriminazione-libro-angela-davis/e/9788875212018

Libru #2: I Diari di Guantánamo de Mohamedou Ould Slahi https://www.ibs.it/diari-di-guantanamo-ebook-mohamedou-ould-slahi-larry-siems/e/9788858512722

Libru #3: La Conchiglia de Mustafa Khalifa https://www.lafeltrinelli.it/conchiglia-miei-anni-nelle-prigioni-libro-mustafa-khalifa/e/9788869448072

Email: alessandro.columbu@gmail.com

Mancari a mene m’aggradet a bufare una bella tatza de binu in cumpangia mi so abbigiadu chi de su binu, de s’arte de lu fàghere e de lu bèndere e de s’enologia no isco nudda. In Sardigna in sos ùrtimos bìndighi o vinti annos est colada una rivolutzione in sa manera de produire, de bèndere e de contare sa cultura de su binu e ca pesso chi b’apat unu muntone de cosas de imparare in custa puntada mi fatzo un’arresonada cun Bustianu Pugioni, olianesu, laureadu in limbas e comunicatzione in s’universidade de Casteddu, fundadore de Ruju Sardu una cantina chi produit cannonau e nepente. At fundadu s’assòtziu Ànima Sarda, at triballadu comente volontàriu cun Emergency, at fatu mùsica e collaborat puru cun s’assòtziu Sardigna / Palestina. Cun Bustianu comintzamus chistionande de comente si faghet su binu, de ite b’at bisòngiu pro fàghere unu bellu binu e it’est sa cosa prus difìtzile in custa arte, ma fintza de comente su clima e sa terra influint in su tastu de su binu. Chistionamus de su raportu de Bustianu etotu e de sa familia sua cun cust’arte, cun sa bìngia e su prodotu e de s’ importàntzia chi su binu tenet in sa cultura⁠.

Film: Barolo boys https://www.baroloboysthemovie.com/

Libru #1 : Sommelier ma non troppo de Fede e Tinto https://www.ibs.it/sommelier-ma-non-troppo-ebook-fede-tinto/e/9788893160247?queryId=131e971475f6b51929ccab58ace11549

Libru #2: Il Vino della Mia Cantina de Enzo Biondo https://www.editoriasarda.it/scheda.asp?id=978-88-SBS-3075-Z&ver=it

Sa cantina de Bustianu Pugioni https://rujusardu.it/

Email: alessandro.columbu@gmail.com

In custa puntada leamus su testu leteràriu dae unu puntu de vista analìticu, est a nàrrere tzucamus dae unu tema, chi estsu triballu e sos raportos de triballu, in cherta de nde bogare a pìgiu unos cantos esempios in sa literadura mondiale e pro cussu est a mi fàghere un’arresonada cun Gianni Loy, professore giubiladu de deretu de su triballu in s’universidade de Casteddu ma fintzas iscritore chi issu etotu at torradu a lègere romanzos che a sos de Kafka e de Cervantes in cherta de buscare riferimentos a su mundu de su traballu. Cun Gianni chistionamus de comente sa literadura at contadu sutriballu, sos diritos de sos trabballadores e su mundu de su tribballu, de comente est cambiadu su tribballu in sa literadura dae sos tempos de Cervantes a Kafka a oe in die, e puru de comente mai l’est bènnida sa gana de los istudiarea custos autores, de su chi at acatadu in sas òperas issoro, e de cales sunt oe sos gèneres leteràrios chi prus s’interessant de su tribballu e de comente est cambiande.

Libru #1: Eva e Petra de Gianni Loy https://www.domusdejanaseditore.com/catalogo/1414-eva-e-petra-versione-italiano-logudorese.html

Libru #2: El Derecho del Trabajo según SanchoPanza de Gianni Loy https://www.casadellibro.com/libro-el-derecho-del-trabajo-segun-sancho-panza/9788496889378/1248963?srsltid=AfmBOor55pDlFKn2nv0Lq92-3VSfyEx_iA3MpzqlTGWCTX1Bl1H7jS68

Libru# 3: Sa Metamorfosi de Franz Kafka (bortadurain sardu de Manuela Mereu) https://www.condaghes.it/scheda/978-88-7356-838-4/sa-metamorfosi/it

Libru #4: Don Chisciote de sa Màntzia de Miguel deCervantes (bortadura in sardu de Gianni Muroni) https://www.condaghes.it/scheda/978-88-7356-240-5/don-chisciote-de-sa-mantzia/it

Libru #5: Antologia di Spoon River de Edgar LeeMasters https://www.lindau.it/Libri/Antologia-di-Spoon-River

Libru #6: Il Mondo Deve Sapere de Michela Murgia https://www.ibs.it/mondo-deve-sapere-romanzo-tragicomico-libro-michela-murgia/e/9788876381928?srsltid=AfmBOooU_RCmvH5Ihktxe7K9i0Fn5Rxh-80wrxMYVK3YBLe-y2CEycm7

Film #1: Uomini in Marcia https://cinecriticaweb.it/film/uomini-in-marcia/

Film #2: SorryWe Missed You de Ken Loach https://www.mymovies.it/film/2019/sorry-we-missed-you/

email: alessandro.columbu@gmail.com

Una de sas cosas chi mi mancant de prus de sa Sardigna comente pessone disterrada sunt sos nuscos de su buscu in logu nostru e sos colores de su monte. Passizande in su monte de Santu Vasili, o in Ferruthones, totu zassos a fùrriu de sa bidda de Ollolai, intendo unu muntone de nuscos chi m’abbarrant in sas nàstulas e chi m’ammentant chi so in logu nostru ca pesso chi sunt unu cantu fondamentale de sas cosas chi intendimus in sa pitzinnia, chi nos abbarrant in s’ànima e chi a pustis a mannos ammentamus. Custos nuscos etotu m’arregordant puru chi sa natura e s’ambiente sunt una richesa e una bellesa de defensare, e oe mi fatzo un’arresonada cun Gianfranco Deledda, botànicu e fundadore de Erbe in Sardegna, chi nos contat su chi ischit de sa flora e de sa biodiversidade sarda, e de sas ervas sardas tìpicas, ite diat chèrrere fàghere pro mezorare cust’ambiente e sa biodiversidade in Sardigna, e ite faghet giai como comente mere e fundadore de Erbe in Sardegna pro custu obbietivu. Est un’arresonada divulgativa mescamente pro gente che a mene chi mancari goset de sa bellesa e de sa richesa de su monte, no ischit nudda.

Blog: https://erbeinsardegna.wordpress.com/

Libru #1: Grandi alberi e foreste vetuste dellaSardegna de Ignazio Camarda https://www.ibs.it/grandi-alberi-foreste-vetuste-della-libro-ignazio-camarda/e/9788893611312?srsltid=AfmBOorBxH87eZ8pz_BRMrz6r3fZErCC6Ue5Y20IZfUu24h6qH4o98kC

Libru #2: Piante medicinali in Sardegna de Enrica Campanini https://www.ibs.it/piante-medicinali-in-sardegna-ediz-libro-enrica-campanini/e/9788862020589?srsltid=AfmBOoqDnhwZLDLDFJo5wrVOqsiID6U2IDghb52jDmWfXEgcM-T3X-5x

Email: alessandro.columbu@gmail.com

In custu podcast, bos nd’azis a èssere abbigiados,chistionamus de totu francu de limba sarda. In custa puntada puru chistionamus de àteru, peròe nos acurtziamus a custu argomentu, isterrende un’arresonu subra sa literatura in limba sarda. A esistit? Paret ispantu a fàghere custa pregunta, e imbetzes pesso chi siat una pregunta interessante mescamente ca non si nde faeddat meda ma a zente meda aggradat e amus sèmpere carchi cosa de imparare. In custa puntada mi fatzo un’arresonada cun Frantziscu Casula, ollolaesu, istòricu de sa Sardigna e de sa limba sua, ma fintzas giornalista e professore de liceo, e autore de libros de istòria e de literatura sarda etotu. Cun Frantziscu faghimus una panoràmica istòrica subra sa literatura sarda e subra sos lùmenes, sos generes e sas òperas prus importantes de sa literatura nostra.

Libru #1: Letteratura e civiltà della Sardegna.Testo sardo e Italiano de Frantziscu Casula https://www.librisardi.it/prodotto/letteratura-e-civilta-della-sardegna-testo-sardo-e-italiano-vol-2/

Libru #2: La Letteratura in Lingua Sarda de Salvatore Tola https://dokumen.pub/la-letteratura-in-lingua-sarda-testi-autori-vicende-88-8467-340-2.html

Libru 3: Contus de Franca Marcialis https://www.editoriasarda.it/scheda.asp?id=978-88-7343-375-0&ver=it

Libru #4: Pedru Zara de Nenardu Sole https://www.ibs.it/pedru-zara-follia-morte-di-libro-nenardu-sole/e/9788894169805?queryId=367ed6044107d76917963a3c28a10569

Libru #5: In Ojos De Amore de Eliano Cau https://www.ibs.it/in-ojos-de-amore-in-libro-eliano-cau/e/9788833090740

Libru #6: S’intelligèntzia de Elias de Pepe Corongiu https://www.ibs.it/s-intelligentzia-de-elias-libro-giuseppe-corongiu/e/9788875931063

Email: alessandro.columbu@gmail.com

Provamus in custa puntada a contare s’istòria de sa Palestina. Non bastant deghe puntadas pro la contare totu, ca est una terra antiga inue nch’at iscritos e repertos dae mizas e mizas de annos. Ma pro proare a cumprèndere su chi est capitande oe, pesso chi podimus comintzare in s’otighentos, est a nàrrere in su sèculu de deghenoe.

Libru #1: La Mappa del Mio Ritorno de Salman Abu Sitta https://www.ibs.it/mappa-del-mio-ritorno-memoria-libro-salman-abu-sitta/e/9788897831419?srsltid=AfmBOooQm1Xd06mzvctuzKwsYVzEgIaOEU16mqv2pWAokFfflkjfVx8Z

Libru #2: La Pulizia Etnica della Palestina de Ilan Pappé https://www.ibs.it/pulizia-etnica-della-palestina-libro-ilan-pappe/e/9788881129089

Email: alessandro.columbu@gmail.com