من السودان إلى شارك تانك.. قصة تأسيس Pure Butter في مصر

بعد الحرب في السودان، خسر إبراهيم جابورة وأسرته جزءا كبيرا من أعمالهم واضطروا لترك كل شيء والبدء من جديد في مصر. لكن بدلا من الاستسلام، بدأ إبراهيم رحلة جديدة انتهت بتأسيس Pure Butter والظهور في شارك تانك مصر.

في الحلقة دي من بودكاست Cash Talks، إبراهيم جابورة بيحكي رحلته من العمل داخل مصنع أسرته في السودان، وتعلم التجارة والصناعة من سن صغير، لحد خسارة البيزنس بسبب الحرب والانتقال إلى مصر. هتعرف إزاي درس السوق المصري، واختبر فكرة زبدة الفول السوداني البودر، وبدأ البيع أونلاين عشان يحصل على السيولة وفيدباك العملاء بسرعة.

بنتكلم كمان عن أهمية العلاقات في البيزنس، وإزاي تبدأ بأقل موارد ممكنة، وليه اختبار المنتج أهم من صرف كل رأس المال قبل ما تتأكد إن السوق محتاجه. إبراهيم بيشارك كواليس بناء Pure Butter، تجربته في شارك تانك مصر، خططه للتوسع، وحلمه إنه يرجع السودان ويساهم في بناء اقتصاد بلده من جديد.

الحلقة مناسبة لأي شخص بدأ من الصفر، خسر مشروعه، انتقل إلى بلد جديدة، أو بيفكر يؤسس براند ويختبر فكرته قبل التوسع.

Support the show

بدأ خالد مرماح براند ملابس Cave وهو عنده 20 سنة وبرأس مال 800 جنيه بس، وبعد خمس سنين قدر يتجاوز 50 مليون جنيه مبيعات من الأونلاين والريتيل.

في الحلقة دي من بودكاست Cash Talks، خالد بيحكي رحلة بناء Cave من أول تصميمات التيشيرتات والرد على الأوردرات بنفسه، لحد تأسيس فريق ومطبعة ومصنع. هتعرف إزاي حقق أول مليون جنيه وهو عنده 22 سنة، وليه باع شقته وحط حوالي 600 ألف جنيه في ستوك البراند، وإزاي بدأ من جديد بعد ما صفحة إنستجرام وصلت لـ32 ألف متابع واتقفلت بسبب حقوق الملكية.

كمان بنتكلم عن أخطاء التصنيع، وإدارة الأرباح، وبناء الأنظمة داخل الشركة، وتجربة التوسع غير المدروسة في السعودية، وليه خالد قرر يركز على السوق المصري بدل ما يكمل في مشروع كان بيخسر فلوس.

الحلقة مناسبة لأي حد بيفكر يبدأ براند ملابس أو مشروع أون لاين، أو عايز يفهم كواليس تجارة الملابس وبناء الـLocal Brands في مصر بعيداً عن الكلام النظري.

Support the show

بودكاست كاش توكس (Cash Talks)، بيحكي هشام سلامة مؤسس براند الستيكرز المصري ستيكا قصة بداية مشروعه برأس مال 200 جنيه بس ورحلته لحد ما وصلت مبيعات البراند لأكتر من 7 مليون جنيه خلال آخر سنتين.

هشام مهندس كهرباء قوى من جامعة الإسكندرية مر قبل ستيكا بتجربة تسويق شبكي خسر فيها فلوسه وبمشروع تيشيرتات فشل قبل ما يوصل لفكرة الستيكرز اللي بقت بيزنس بيدير أكتر من 6000 منتج و30 ألف أوردر في سنتين من غير أي ستوك، بفضل أداة أوتوميشن بناها بنفسه.

هتسمع كمان عن اختيار شريك البزنس والدروس اللي اتعلمها هشام من تجربتين مختلفتين إزاي التسويق على تيك توك وانستجرام فرق مع براند ستيكا والموديل الجديد اللي ستيكا بتتحول بيه لحاجة شبيهة بأوبريشن أمازون للمصممين.

كاش توكس بودكاست بيستضيف الأوت لايرز من جيل زي، شباب مصريين حققوا نجاح حقيقي في مجالات مختلفة عشان نتعلم منهم قصة النجاح والفشل من الأول للآخر.

Support the show