佢落咗車。 就冇再上返。

1992 年，一個廿二歲嘅女人， 本來要去嫁畀一個佢從未見過嘅人。 火車中途停站，佢落車， 行入一個完全陌生嘅國家， 講咗一句：我要尋求庇護。

嗰一刻，佢乜都冇。

幾十年之後， 佢坐喺全世界數一數二嘅大學， 廿四小時有保鑣跟身， 然後做咗一件冇人估到嘅事： 佢信咗耶穌。

一個女人， 對抗一整套要佢收聲嘅制度。

（我唔係要封佢做聖人，佢好有爭議。 我只想喺佢身上，抽一條線。）

因為呢條線， 其實都係我哋離鄉別井嘅人嘅線：

你走出嚟。 你由零開始。 然後你面對一個引誘： 安頓咗，就收聲。

但以斯帖記有一句： 「焉知你得了王后的位分， 不是為現今的機會嗎？」

或者你今日移居， 唔淨止係損失。 或者，係一個位置。

而搵屋企搵到最後， 先發現： 我哋一直搵緊嘅，係神。

你唔係過客。 你係神家裡嘅人。

🎧 新一集已上線

小小Bio: 鄧智文，音樂神學家與拓荒型傳道者。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

＝＝＝

有關Gofundme 神學 trading card： https://gofund.me/d03d2dd57 想直接買聖經Pokeman go card? Link here: https://kairos-en.com

個人profile： https://lifeseeksunderstanding.com

#信仰探索 #靈性生活 #神經刀自在道 #lifeseeksunderstanding #post-Christian #移英港人 #AyaanHirsiAli

第一世紀，加利利海邊。一個漁夫，撒緊網。冇學位，冇履歷，考唔入拉比嘅學校，一早俾成個教育制度篩走咗。

有個拉比行過，望住佢，講咗一句：來跟從我。

佢放低個網。

嗰一刻，佢報讀嘅唔係一個宗教，係一個學師制：同你師傅一齊、變得似你師傅、做你師傅做嘅事。行到成身都係師傅嘅塵。

兩千年之後，我哋將呢句「來跟從我」，變咗做表格上面嘅一個選項。

（我唔係要取消「基督徒」呢三個字。我只係想問：如果新約入面「基督徒」得3次，「門徒」有269次，點解我哋揀咗出現得最少嗰個嚟自稱？）

因為做基督徒可以唔使改變生活。做學徒唔得。

福音書入面得兩種人：門徒，同群眾。冇第三個category。

你係群眾入面嘅一塊面，定係學徒？

EP.96 經已上線。

小小Bio:

鄧智文，音樂神學家與拓荒型傳道者。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

＝＝＝

有關Gofundme 神學 trading card： https://gofund.me/d03d2dd57

想直接買聖經Pokeman go card? Link here: https://kairos-en.com

個人profile： https://lifeseeksunderstanding.com

我刪咗呢集嘅第一個版本。

呢一集，我錄咗兩次。

第一個版本，我刪咗。因為我返聽嘅時候，太目中無人，指住人話「你哋醒啲啦」。我明明喺度講扎根、講愛一座城，但我把咪嘅姿態，本身就似一個企喺高地審判緊人嘅人。

於是我坐低，同上帝認返，再錄一次。

而呢件事本身，其實就係呢一集想講嗰樣嘢。

先講啲你可能唔知嘅數字。過去兩年，全英國增長最快嘅基督教群體，係我哋香港人嘅教會。英國聖經公會嘅研究擺到明：年均增長 28.8%，曼徹斯特有一間，兩年之間由 200 人爆到 2,000 人。但同一份研究，仲有一個好少人提嘅數字：呢班教會裏面，本土出世嘅信徒，得返八分之一。

而美國、加拿大、澳洲，其實早就行過呢條路。三個地方，同一個結局：第二代靜靜雞流走。呢啲，係 hard fact，我冇得改，你都冇得當睇唔到。

但我唔係想攞數字嚇你。數據只係病徵。我想問嘅，係病根。

而我越嚟越信，病根唔係「增長」，係「歸屬」。我哋追求緊嘅，到底係邊一種歸屬？

呢一集，我會借潘霍華、Brueggemann、創傷神學，同埋耶利米書廿九章，去問一條我自己都仲未答得到嘅問題：

我哋一落地就買得起樓，點解就係扎唔到根？

小小Bio: 鄧智文，音樂神學家與拓荒型傳道者。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

＝＝＝

有關Gofundme 神學 trading card： https://gofund.me/d03d2dd57 想直接買聖經Pokeman go card? Link here: https://kairos-en.com

個人profile： https://lifeseeksunderstanding.com

#信仰探索 #靈性生活 #神經刀

點解隔籬間巫術書店，靈性仲豐富過我哋成個教會?

我就嚟離開倫敦。走之前，攞啲 Kairos Cards 去倫敦啲獨立書店問吓擺唔擺得，問極都冇乜人理我，點知主動聯絡我嗰間，竟然係一間賣巫術同神秘學嘅書店。

今集我會自己開刀。但都會踩一踩腳掣。因為「想恢復操練」同「只係想要感覺」之間，有條好危險嘅彎。

🎧 神經刀·自在道

鄧智文是一位音樂神學家與拓荒型傳道人（pioneer minister）。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

---- 有關Gofundme 神學 trading card： https://gofund.me/d03d2dd57 想直接買聖經Pokeman go card? Link here: https://soloist.ai/kairos-en/

#信仰探索 #靈性生活 #神經刀

「清心」係耶穌一句最短嘅祝福。而我慢慢明白，係我認識最強嘅靈性武器。

呢個禮拜日，我喺倫敦教會講第一次，亦是最後一次講道，跟住北上去北約克郡（North Yorkshire）開始新嘅事奉。

我會講：馬太福音五章八節同六章十九至卅四節，係同一段教導。「清心的人有福了」唔係前菜，係診斷書——一顆心，只有一個財寶、一個主人、一個方向。

我會講：英國年輕人失業率 16.2%，係 2015 年以嚟最高；英格蘭教會嘅星期日出席率自 2019 年跌咗 18%。我由一間越嚟越細嘅房，行入另一間。

我會講：我曾經被四間教會踢走。我以為自己會做純粹嘅神學學者，喺圖書館裡面寫關於現實嘅論文。但係神冇俾我匿埋。道成了搖滾。神學家嘅工作，唔係喺象牙塔上面指指點點，係進入同一間房。

我帶走屬靈嘅武器，係一顆清心。 鄧智文是一位音樂神學家與拓荒型傳道人（pioneer minister）。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

---- 有關Gofundme 神學 trading card： https://gofund.me/d03d2dd57 想直接買聖經Pokeman go card? Link here: https://soloist.ai/kairos-en/payment

#信仰探索 #靈性生活 #神經刀

點解我喺英國酒吧度俾一個白人女人公開叫「disgusting」嘅時候，三個白人女侍應同個manager睇住，cha都唔cha一聲？

仲有，點解當我問佢「Are you a racist?」嗰一刻，佢由firm denial突然stammering，答唔到？

今集神經刀.自在道，我講前排禮拜日，崇拜開始前廿分鐘，我喺Islington一間酒吧入面真實經歷嘅事——同埋慢慢拆解馬太福音五章一段被好多基督徒讀錯咗嘅經文：當你嘅「弟兄」公開侮辱咗你、對你嘅和好亦冇悔改，呢段經文究竟係點樣應用？ 鄧智文是一位音樂神學家與拓荒型傳道人（pioneer minister）。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

---- 有關Gofundme 神學 trading card： https://gofund.me/d03d2dd57 想直接買聖經Pokeman go card? Link here: https://soloist.ai/kairos-en/payment

#信仰探索 #靈性生活 #神經刀

紙嘅味。火嘅味。 我隻手有少少震。

我係一個基督徒。 我讀完神學博士。 我在家人面前燒衣。

香港教會一直話：呢啲嘢唔好做。 我聽咗廿幾年。 直到我哥嘅喪禮，我喜歡無言之語嘅方式。

今集，我講點解 doctrinal correctness 唔應該行喺家人嘅悲傷前面。

🎧《相逢何必曾燒衣》|

---- 有關Gofundme 神學 trading card： https://gofund.me/d03d2dd57 想直接買聖經Pokeman go card? Link here: https://soloist.ai/kairos-en/payment

#信仰探索 #靈性生活 #神經刀