Amritalaal naagar kee lekhanee se haasy-vyang mishrit jin vibhinn rachanaaon kaa srijan huaa ve apane aap mein vilakṣhaṇ hain. Ye samay-samay par vividh patr-patrikaaon mein prakaashit huii theen. Unke kayi sangrah nikle jinhein behad pasand kiyaa gayaa. ‘chakallas’ ke naam se unhonne ek patr bhee nikaalaa jiskaa saahitya jagat mein apnaa ek visheṣh sthaan ban gayaa. ‘chakallas’ mein naagar jee kee sabhee shreṣṭh haasy-vyang rachanaaen ek saath prakaashit hain. Isse inki vividhataa tathaa lekhak ke sahaj vinodee svabhaav kaa gyaan hotaa hai. Amritalaal naagar kaa janm 17 august 1916 mein Agra mein huaa thaa. Ve uneesvi sadee ke hindi saahitya ke mahattvapoorṇa lekhak the jinhen aksar premchand kaa saahityik vaaris maanaa jaataa hai. Unke lekhan kee visheṣataa thee yaadagaar charitron kaa srijan, jo pustak paḍhne ke baad bhee der tak paaṭhak ke dilo-dimaag par apnaa prabhaav chhodte the. Bahu-aayaamee pratibhaa vaale naagar jee ne 74 years ke jeevan kaal men sabhee vidhaaon par likhaa jismein kahaanee, upanyaas, naaṭak, nibandh, sansmaraṇ aur bachchon ke lie kayi rochak pustakein hain. 1967 mein unhein saahitya akaadamee puraskaar aur 1981 men padma-vibhooṣaṇa se sammaanit kiyaa gayaa. Unke upanyaas maanas kaa hans, naachyo bahut gopaal aur khanjan nayan hindi saahitya mein meel ke patthar saabit hue.

Please note: This audibook is in Hindi.