THIH HNU NUNNAK A UM MAW? Thih hnu ah nunnak a um maw timi hi thihnak a tongmi chungkhar hna nih atu le atu an halmi bia asi. Vawlei cung minung kip nih an hal pengmi bia zong asi. Job nih hitihin a chim, “Nu hrinmi minung cu ni tlawmte lawng a nung i a nunnak ah harsatnak in a khat. Pangpar bantuk in a par i a uai than zau, a lo zaumi thladem bantuk asi’ ati.u Minung a thih tikah a nung than ti lai maw,” tiah lungawtawm pah, thinphang pah in biahalnak a tuah ve (Job 14:1-2, 14). Job bantukin kanmah cio zong hi biahalnak nih a kan ton cio ve. Kan thih tikah zeitindah kan um cio ning asi lai? Thihnak hi kan nunnak a donghnak maw asi ko hnga? Vancung timi le Hell timi hi a um taktak maw? Zei bantuk lam lei ah dah kan kal hna lai? Kan kalnak ding lam aa khat lai maw, aa dang cio lai dah? Bible nih a kan chimhmi cu thih hnu ah nunnak hi a um lawng siloin a sunglawi tukmi zungzal nunnak zong a um tiah a chim. Cu a sunglawi tukmi nunnak cu “Mit zong nih hmuh bal rih lomi asi, hna zong nih theih bal rih lomi asi, ruahnak zong nih a purhdah khawh rih lomi asi, cucu Pathian nih Amah a dawtmi hna caah a timh piakmi hna hmun asi,” a ti (1 Korin 2:9). Jesuh Khrih, Pathian bak a simi kha taksa in aa langh i zungzal nunnak pek awk ah vawlei ah a rak ra. “Asinain kan sual ruangah fei in an chunh, kan sualnak ruang ah tukdennak a tong i a hma in kanmah cu damter kan si” (Isaiah 53:5). Kanmah nih kan sual ruangah kan in dingmi kha Jesuh Khrih nih Amah cungah aa khinh hna i a kan inpiak. Thihnak thlankhor chung tiang kan sual ruangah a phan, sihmanhsehlaw nithum hnu ah thawhthannak in thihnak a teinak cu a langhter. Thihnak in a thawhthan hnu ah ni sawmli chung vawlei ah khua a sa rih i vancung a kai hlan tiang minung thong tampi nih an hmuh, an ton, bia an ruah. Rom 4:25 nih a chimmi cu, “Kan sual ruang ah Jesuh Khrih cu thihnak ah pek asi i kanmah thiamcoter awk ah thawhter than asi,” a ti. Jesuh Khrih a thawhthannak hi tha tein cauk in tial asi. Tehte tampi langhter awk a um. Jesuh Khrih a thawhthannak hi Khrihfa mi hna kan zumhnak hrampi asi. Jesuh Khrih nih thihnak a tei ruang le a thawhthan caah zumh ngamnak kan ngei kho. Kan thothan ve hrimhrim hna lai. Jesuh Khrih a thawhthannak hi thih hnu ah nunnak a um hrimhrim ko timi a langhtertu asi. “Sihmanhsehlaw Biatak cu hihi a si: Khrih cu thihnak in thawhter asi i cucu thihnak chung i aa hngilhmi hna zong kha thawhter an si ve lai tinak aamahkhan asi. Thihnak cu mi pakhat thawng in a tlun bantuk in thihnak in thawhṭhannak zong cu mi pakhat thawng in a tlung ve. Adam he an i pehtlaihnak thawng in mi vialte cu an thih bantukin Khrih he an i pehtlaihnak thawng in mi vialte cu nunnak ah thawhter an si lai,” ati (1 Korin 15:20-22). Pathian nih Jesuh Khrih pum cu a thawhter bantuk tein Jesuh Khrih a rat than tikah thawhter an si ve lai (1 Korin 6:14). A donghnak ni ahcun kan dihlak tein thawhter kan si dih hna lai nain Vancung ah mi kip kal khawh asi lai lo. Kan thih hlan ah thimnak kan ngeih hmasa a herh. Thimnak kan ngeihmi hi zei lam dah kan panh lai timi cungah aa hngatmi asi. Bible nih a chimmi cu voikhat cu thi dih dingin timhmi kan si hna i cu hnu ahcun biaceihnak nih a zulh lai a ti (Hebru 9:27). Jesuh Khrih an zumhnak thawng in thiamcoter asi cangmi hna cu vancung ah zungzal nunnak an ngei lai. Asinain Jesuh Khrih hi khamhtu asi tiah a pom duh lomi hna cu Hell ah zungzal in chiah an si lai (Mathai 25:46). Vancung a um bantuk in Hell hi a um taktakmi a si. Hell cu misual mi hna caah chiahmi asi. Chun-zan in a zungzal in teminnak hmun asi (Biaphuan 20:10). Hell ahcun tahnak le hacang rialnak lawng tein a khat, a sullam cu teminnak fak tuk a um tinak asi (Mathai 13:42). Pathian hi mithalo hna an thih ah aa lawmmi asi lo, asinain nunnak an hmuhnak ding an sualnak in i mer hna seh ti a duhmi Pathian asi (Ezekiel 33:11). Sihmanhsehlaw, Pathian cu mi hnek a duhmi asi lo. Kan duh ahcun hnulei ah kan mertak khawh; vawleicung kan nun hi hneksaknak ca ah asi, a ra laimi ton awkah kan i tlak maw
続きを読む
一部表示
4 分
2023/03/124 分
6 分
2023/03/079 分
2023/03/076 分
2023/03/079 分
2023/03/067 分
2023/03/061分未満