Ide 32. Episode vom erschte Schwiizer Fischerpodcast FischVerruckt 🎙️ händ mir en bsundere Gascht: de Thomas Geyer. Er plauderet mit eus über spannendi Insider-News und teilt wertvolli Tipps zu neue Gwässer.

Usserdem hed er es tolls Gwünnspiel im Gepäck - d Priise chönnd sich ächt gseh lah! Zum Schluss stellt sich de Geyer em gwagte „Entweder / Oder“ und liefered eus einigi überraschendi Antworte.

Vergässed nöd abonniere, bewertet dä Podcast, like und Kommentiere - ihr kenned das Spiel🎧

Ide 31. Episode vom erschte Schwiizer Fischerpodcast isch de Markus Von Euw zGascht - Gründer und Inhaber vo de Bullseye Fishing AG. Er verzellt, wie er vom Stippfischer zum Profi-Turnierfischer worde isch und debi sini eigeni Marke ufbaut het. Euch erwartet spannendi Iblicke id Entstehig vo Bullseye Fishing, Hintergründ zur Szene und natürlich alles rund um sini diesjährigi Hechteröffnig.

Natürlich derf au euse Klassiker ned fehle: Entweder / Oder - Au de Vonso hed sich eusne Frage gstellt!

Und wie bi allne Gäscht gits es Gwünnspiel: Wie und was ihr chönnd günne erfahred ihr i dere Folg.

Zum Schluss wie immer: Bewerte, abonniere, like und Kommentiere - ihr kenned das Spiel🎧

I eusere 30. Episode vom erschte Schwiizer Fischerpodcast FischVerruckt hemmer zum erste Mal en wibliche Gascht bi eus. D Eva Baier, Inhaberin und Gschäftsfüehrerin vo de Firma Fischwanderung GmbH.

Sie setzt sich mit voller Liideschaft fürs Wohl vo eusne Gwässer und vor allem für d Wanderig vode Fisch i.

Mir redet mir ihre unter anderem über d Useforderige dur Kraftwerk a eusne Flüss, warum en Fischträppe ellei ned längt sowie au was mir fischer aktiv biträge chönd, demit sich d Fisch freier bewege chönnd.

Natürlich hed sich d Eva eusem beliebte Entweder / Oder gstellt - mit spannende Antworte.

Zum Schluss warted no es chlises Gwünnspiel uf euch:

Wie ihr die brandneue Provius vo Toppies abstaube chönnd, erfahred ihr ebefalls ide neuste Episode vom erschte Schwiizer Fischerpodcast!