في الحلقة دي بنتكلم عن الإحساس اللي بييجي لما تبقى

مش قادر… بس مكمل.

مش كسل، ومش ضعف، ومش محتاج حد يقولك “شد حيلك”.

ليه بنكمّل وإحنا طاقتنا خلصانة؟

وإمتى الاستمرار تبقى حاجة كويسة؟

وإمتى يبقى ضغط على نفسنا زيادة عن اللزوم؟

حلقة للّي مكملين بالعافية،

وللي معتبرين إن الراحة أحيانًا إنجاز مش هروب.

اسمع الحلقة

وما تقلقش… محدش هيطلب منك تقوم تجري بعد ما تخلصها

اكاونتس التواصل:

Facebook

https://www.facebook.com/share/1TQ4wmyHbv/

TikTok

https://www.tiktok.com/@stry_o?_r=1&_t=ZS-93VxLpfkgnE

Instagram

https://www.instagram.com/xx_.steven_elrawy._xx?igsh=MWZkc3BsMngyd3c5eg==

مش زعلان… ومش مبسوط.

بس حاسس إن المشاعر سكتت.

في الحلقة دي بنتكلم عن الخدر العاطفي،

ليه بييجي،

وإزاي نفهمه من غير ما نلوم نفسنا.

حلقة هادية لأي حد محتاج يطمن إن اللي حاسس بيه مفهوم.

في اوقات كتير .. بتبقي صراعات الحياة صعبة لدرجة .. أن ممكن يكون منفذ الامل الوحيد بالنسبة لينا هو

رسم الابتسامة علي وش الناس

لم نولد لكي نصل الي الكمال

بل ولدنَا لكي نُصلح اخطائنا التي زُرعت فينا عن غَير قصد

اسمع الحلقة دلوقتي :

كل ما تقرب توصل… حاجة تحصل ترجّعك لأول السطر

تحس إنك دايمًا في دائرة مفرغة

بس هو فعلاً لازم نبدأ من الصفر كل مرة؟

ولا في حاجات بتفضل جوانا حتى وإحنا مش شايفينها؟

حلقة جديدة من بودكاست "الإنتقال من اليأس إلي ال لا بأس"

هنتكلم فيها عن الإحساس بالإحباط، بداية الطريق، وإزاي نلاقي أمل حتى لو الدنيا وقفت

اسمع الحلقة دلوقتي، يمكن تلاقي فيها نفسك.

"في لحظات معينة، بنصحى الصبح نحس إن كل حاجة بقت باهتة... الحاجات اللي كنا بنحبها ما بقتش تلمع زي الأول، والمجهود اللي كنا بنبذله ما بقاش يجيب نتيجة. الحماس اختفى... وإحنا كمان بدأنا نضيع وسط الزحمة."

في الحلقة دي من بودكاست "الإنتقال من اليأس إلي ال لا بأس"، بنفتح مساحة حقيقية نتكلم فيها عن فقدان الشغف، عن الإحباط اللي بييجي من غير صوت، عن التعب اللي ملوش ملامح.

هنتكلم من القلب، ومن التجربة، ومن محاولاتنا اليومية إننا نكمّل رغم كل حاجة.

مش هندي حلول سحرية، بس هنجرب نرجّع نبض بسيط يخلي الدنيا تنوّر شوية.

لو حسيت في يوم إنك مش قادر... الحلقة دي ليك.

🎧 اسمعها، وخد نَفَسك... وإوعى تفتكر إنك لوحدك.

التردد مش دايمًا ضعف… ساعات بيكون خوف، وساعات بيكون لأننا مش حاسين بحاجة أصلاً.

في الحلقة دي، بنغوص جوه مشاعر التردد، ونسأل:

ليه ساعات بناخد خطوة لقدّام ونرجع نندم؟

وليه أوقات بنبقى مش قادرين نحسم لأن جوا جوانا "فراغ"؟

لو حاسس إنك واقف في النص ومش عارف تتحرك، الحلقة دي ليك